"Manchester Yunayted" sardori Brunu Fernandesh jamoasining APLning 36-turida "Vest Xem"ga qarshi o‘yindagi mag‘lubiyati (0:2) haqida fikr bildirdi.

"Biz ko‘p vaziyatlar yaratdik, ammo bu yetarli bo‘lmadi. O‘z imkoniyatlarimizni golga aylantirishimiz kerak. Bugun umidsizlik bo‘ldi, chunki buni uddalay olmadik.

Gol urish va raqib jarima maydoniga to‘pni yetkazib berish istagida kuchliroq va qat’iyatli bo‘lishimiz kerak. Agar siz imkoniyatlar yaratsangiz, ularni golga aylantirishga harakat qilishingiz kerak", - dedi Fernandesh.

"Manchester Yunayted" Premyer-ligada 7 o‘yindan beri g‘alabasiz seriyasini davom ettirmoqda, so‘nggi g‘alaba 16 mart kuni "Lester"ga qarshi o‘yinda (3:0) qayd etilgan.