"Chelsi" himoyachisi Mark Kukurelya APLning 36-turida "Nyukasl"dan uchralgan mag‘lubiyat (0:2) haqidagi fikrlari bilan o‘rtoqlashdi.

"Bizning haqiqatdan ham hafsalamiz pir bo‘ldi. Biz bu muhim o‘yin ekanini bilardik. Biroz xafa bo‘ldik. Lekin menimcha, hozir eng muhimi, maqsadimizga erishish hali ham o‘zimizga bog‘liq. Ikkinchi bo‘limni qanday o‘tkazganimizdan faxrlanishimiz kerak.

Nikolas Jekson hech narsa demadi. Menimcha, u xafa bo‘ldi. U jamoaga yordam berishni xohlaydi. Balki butun o‘yinni teng tarkibda o‘tkazganimizda, kambek qilishga muvaffaq bo‘lardik", dedi Kukurelya.

Hozircha "Chelsi" APL turnir jadvalida beshinchi o‘rinni egallab turibdi.