"Челси" ҳимоячиси Марк Кукурелья АПЛнинг 36-турида "Ньюкасл"дан учралган мағлубият (0:2) ҳақидаги фикрлари билан ўртоқлашди.
"Бизнинг ҳақиқатдан ҳам ҳафсаламиз пир бўлди. Биз бу муҳим ўйин эканини билардик. Бироз хафа бўлдик. Лекин менимча, ҳозир энг муҳими, мақсадимизга эришиш ҳали ҳам ўзимизга боғлиқ. Иккинчи бўлимни қандай ўтказганимиздан фахрланишимиз керак.
Николас Жексон ҳеч нарса демади. Менимча, у хафа бўлди. У жамоага ёрдам беришни хоҳлайди. Балки бутун ўйинни тенг таркибда ўтказганимизда, камбек қилишга муваффақ бўлардик", деди Кукурелья.
Ҳозирча "Челси" АПЛ турнир жадвалида бешинчи ўринни эгаллаб турибди.
