Kataloniyaning "Barselona" klubi 2026 yilning yozida "Manchester Siti" hujumchisi Erling Xolandni sotib olish niyatida. Bu haqda Ispaniyaning El Nacional nashri xabar bermoqda.
Qayd etilishicha, "ko‘k-anorranglilar" hozirdanoq 175 million yevro yig‘ish ustida ishlamoqda – bu o‘yinchini 2026 yilning yozida faollashtirish mumkin bo‘lgan tovon puli. Qizig‘i, Xolandning "Manchester Siti" bilan shartnomasi 2034 yilgacha mo‘ljallangan va ba’zi tahlilchilar sotib olish bandi borligiga shubha qilishgan. Biroq, El Nacional bunday band borligini va "Barselona" bundan foydalanishga jiddiy yondashayotganini ta’kidlamoqda.
Vaziyat kataloniyaliklarning moliyaviy ahvoli bilan murakkablashgandi. Bir oz yaxshilanishga qaramay, klub hali ham maosh va qarz bilan cheklanib qolmoqda.
Manbaning xabar berishicha, "Barselona" rahbariyati Xolandni Robert Levandovski erasi tugaganidan keyin jamoani yangilashda asosiy shaxs sifatida ko‘rmoqda, uning shartnomasi kelasi yozda yakunlanadi.
Mish-mishlarga ko‘ra, Xoland "Real"dan ko‘ra "Barselona"ni afzal ko‘radi.
Erling joriy mavsumda "Manchester Siti" safida barcha turnirlarda 41 ta o‘yinda maydonga tushdi va 30 ta gol urdi.
