Каталониянинг "Барселона" клуби 2026 йилнинг ёзида "Манчестер Сити" ҳужумчиси Эрлинг Холандни сотиб олиш ниятида. Бу ҳақда Испаниянинг El Nacional нашри хабар бермоқда.
Қайд этилишича, "кўк-анорранглилар" ҳозирданоқ 175 миллион евро йиғиш устида ишламоқда – бу ўйинчини 2026 йилнинг ёзида фаоллаштириш мумкин бўлган товон пули. Қизиғи, Холанднинг "Манчестер Сити" билан шартномаси 2034 йилгача мўлжалланган ва баъзи таҳлилчилар сотиб олиш банди борлигига шубҳа қилишган. Бироқ, El Nacional бундай банд борлигини ва "Барселона" бундан фойдаланишга жиддий ёндашаётганини таъкидламоқда.
Вазият каталонияликларнинг молиявий аҳволи билан мураккаблашганди. Бир оз яхшиланишга қарамай, клуб ҳали ҳам маош ва қарз билан чекланиб қолмоқда.
Манбанинг хабар беришича, "Барселона" раҳбарияти Холандни Роберт Левандовски эраси тугаганидан кейин жамоани янгилашда асосий шахс сифатида кўрмоқда, унинг шартномаси келаси ёзда якунланади.
Миш-мишларга кўра, Холанд "Реал"дан кўра "Барселона"ни афзал кўради.
Эрлинг жорий мавсумда "Манчестер Сити" сафида барча турнирларда 41 та ўйинда майдонга тушди ва 30 та гол урди.
