Ispaniyaning "Osasuna" klubi bosh murabbiyi Visente Moreno chempionat yakunlangach, jamoani boshqarmasligini tasdiqladi. Bu haqda Football Espana xabar bermoqda.
Moreno "Osasuna"ni o‘tgan yilning yozida qabul qilib olgandi. Mutaxassis bilan shartnoma 1 mavsumga tuzilgan. Madridning "Atletiko" klubiga qarshi o‘yin oldidan murabbiy jamoa yevrokuboklarga da’vogarlik qilayotgan bo‘lsa-da, qolgan bir nechta o‘yinlar uning uchun so‘nggisi bo‘lishini ma’lum qildi.
"Bu jamoani Yevropa maydonlariga olib chiqish uchun borimni beraman. Bu juda ajoyib bo‘lardi va bizda bunday imkoniyat bor.", - dedi Moreno.
"Osasuna" 8-o‘rindagi "Rayo Valyekano" bilan oradagi farq 2 ochkoni tashkil etmoqda. Muvaffaqiyatli ishtirok etgan taqdirda, jamoa Konferensiyalar ligasida ishtirok etishi mumkin.
