Испаниянинг "Осасуна" клуби бош мураббийи Висенте Морено чемпионат якунлангач, жамоани бошқармаслигини тасдиқлади. Бу ҳақда Football Espana хабар бермоқда.
Морено "Осасуна"ни ўтган йилнинг ёзида қабул қилиб олганди. Мутахассис билан шартнома 1 мавсумга тузилган. Мадриднинг "Атлетико" клубига қарши ўйин олдидан мураббий жамоа еврокубокларга даъвогарлик қилаётган бўлса-да, қолган бир нечта ўйинлар унинг учун сўнггиси бўлишини маълум қилди.
"Бу жамоани Европа майдонларига олиб чиқиш учун боримни бераман. Бу жуда ажойиб бўларди ва бизда бундай имконият бор.", - деди Морено.
"Осасуна" 8-ўриндаги "Райо Вальекано" билан орадаги фарқ 2 очкони ташкил этмоқда. Муваффақиятли иштирок этган тақдирда, жамоа Конференциялар лигасида иштирок этиши мумкин.
