O‘yin qonunlarini ishlab chiqadigan Xalqaro futbol assosiasiyalar kengashi (IFAB)ning   Futbol bo‘yicha maslahat kengashi a’zosi etib tayinlandi.

Futbol bo‘yicha maslahat kengashi ( Football Advisory Panel - FAP ) futbol olamidagi mutaxassislarni birlashtiradi. FAP tarkibiga sobiq futbolchilar, sobiq va amaldagi murabbiylar, Xalqaro professional futbolchilar federasiyasi (FIFPro), Yevropa klublar assosiasiyasi (ECA) vakillari hamda konfederasiyalarning texnik direktorlari va ekspertlari kiradi. FAP a’zolari o‘zlarining tajriba va bilimlarini futbol muammolari va qonunga yangi o‘zgarishlar kiritilishining sport jihatlarini muhokama qilish bilan shug‘ullanishadi.
 
Bu kengashda Osiyo Futbol Konfederasiyasidan ikkita vakil bor – biri sharq mintaqasidan, ikkinchisi g‘arbdan. Ikkalasi ham – sobiq futbolchilar. Sharqdan Tsuneyasu Miyamoto – Yaponiya Futbol Uyushmasining Prezidenti, G‘arbdan esa – Server Jeparov.

OFK vakili sifatida Server Jeparov xalqaro futbolga oid muhokamalar, qarorlar qabul qilishda asosiy rol o‘ynaydi va uning tajribasi, maslahati, tavsiyalari bilan qabul qilingan qarorlar kelajakdagi g‘oyalarga katta ta’sir ko‘rsatadi. Futbol qoidalarini rivojlantirishda asosiy e’tibor o‘yinchilarning salomatligi, feyr-pley (halol o‘yin) va futbol o‘yini obro‘sini ushlab turishga qaratiladi. FAP maslahat kengashining asosiy maqsadi o‘yinni yanada adolatli va jozibali qilishdan iborat bo‘ladi.

Server Jeparovni ushbu yuksak mas’uliyat bilan tabriklaymiz va yangi lavozimida muvaffaqiyatlar tilaymiz.