Braziliya terma jamoasi va Madridning "Real" klubi hujumchisi Rodrigo Angliya Premyer-ligasiga ko‘chib o‘tishi mumkin. Bu haqda AS jurnalistlari xabar bermoqda.
Manbaga ko‘ra, 24 yoshli braziliyalik futbolchini ikki top-klub o‘z safiga qo‘shib olmoqchi. Gap Londonning "Arsenal" va "Manchester Siti" klublari haqida ketmoqda. Avvalroq matbuotda Rodrigo "qaymoqranglilar" safidagi o‘rnidan norozi ekani va klubini o‘zgartirish variantini ko‘rib chiqayotgani haqida xabarlar tarqalgan edi.
Futbolchining "qirollik klubi" bilan shartnomasi 2028 yilning yarmigacha mo‘ljallangan. Transfermarkt portali hujumchining narxini 100 million yevroga baholamoqda.













