Бразилия терма жамоаси ва Мадриднинг "Реал" клуби ҳужумчиси Родриго Англия Премьер-лигасига кўчиб ўтиши мумкин. Бу ҳақда AS журналистлари хабар бермоқда.
Манбага кўра, 24 ёшли бразилиялик футболчини икки топ-клуб ўз сафига қўшиб олмоқчи. Гап Лондоннинг "Арсенал" ва "Манчестер Сити" клублари ҳақида кетмоқда. Аввалроқ матбуотда Родриго "қаймоқранглилар" сафидаги ўрнидан норози экани ва клубини ўзгартириш вариантини кўриб чиқаётгани ҳақида хабарлар тарқалган эди.
Футболчининг "қироллик клуби" билан шартномаси 2028 йилнинг ярмигача мўлжалланган. Transferмаркт портали ҳужумчининг нархини 100 миллион еврога баҳоламоқда.
