Osiyo futbol konfederasiyasi 23 yoshgacha futbolchilar o‘rtasidagi Osiyo kubogi saralash bosqichiga qur’a tashlash sanasi haqida ma’lum qildi. Unga ko‘ra, marosim 29 may kuni Toshkent vaqti bilan soat 12:00 da Kuala Lumpurdagi OFK qarorgohida o‘tkaziladi.
Jamoalar oxirgi 3 ta musobaqadagi ko‘rsatkich bo‘yicha savatchalarga taqsimlangan. O‘zbekiston U-23 terma jamoasi 1-savatchadan o‘rin olgan. Saralash bosqichiga Kambodja, Xitoy, Indoneziya, Iordaniya, Qirg‘iz Respublikasi, Myanma, Qatar, Tojikiston, Tailand, BAA va Vyetnam mezbonlik qiladi.
Saudiya Arabistonida bo‘lib o‘tadigan musobaqaning saralash o‘yinlari 1-9 sentyabr kunlari o‘tkaziladi.
