“SSKA” futbolchisi Abbosbek Fayzullayev o‘z jamoasi bilan Rossiya kubogi superfinaliga yo‘l oldi. Bahsdan keyin o‘zbekistonlik futbolchi o‘yin haqidagi fikrlari bilan o‘rtoqlashdi.

Fayzullayev natijadan juda mamnunligini aytib, muxlislarga rahmat aytdi:

— “Zenit”dan qasos oldikmi? Biz uchun eng muhimi — g‘alaba. Biz finaldamiz. Barcha muxlislarimizni chin yurakdan tabriklayman.

— Ko‘pchilik bu mavsumning eng yaxshi o‘yini bo‘ldi, deb aytayapti. Bu fikrga qo‘shilasizmi?
— Ha, qo‘shilaman, lekin menimcha, mavsumning eng yaxshi o‘yini finalda bo‘ladi. Bu atmosferani so‘z bilan ifoda qilish qiyin. Va muxlislarga rahmat aytaman — bizga oxirigacha ishonishdi va qo‘llab-quvvatlashdi. Biz ham o‘yindan oldin o‘zimizga ishongandik, bunga qodir ekanimizni bilgandik.

Eslatib o‘tamiz, “SSKA” Rossiya Kubogi finalining javob bahsida Sankt Peterburgning “Zenit” klubini mag‘lub etib, superfinal yo‘llanmasiga ega chiqdi. Asosiy vaqt 2:0 natijasi bilan yakunlandi, lekin umumiy hisob 2:2 bo‘lgani sabab o‘yin penaltilar seriyasida davom ettirildi va unda “armiyachilar” 4:3 hisobida ustun keldi.

Ularning raqibi hal qiluvchi bahsdagi raqibi bugun, 15 may kuni bo‘ladigan “Spartak” va “Rostov” o‘rtasidagi bahsda aniqlanadi. Superfinal 1 iyun kuni o‘tkazilishi belgilangan.