Anxel Di Mariya klublar o‘rtasidagi jahon chempionatidan keyin "Benfika"ni tark etadi.
Turnirda ishtirok etganidan so‘ng 37 yoshli yarim himoyachi erkin agentga aylanadi, deb xabar beradi TyC Sports.
Klublar o‘rtasidagi JCH-2025 15 iyundan 13 iyulga qadar AQSHda bo‘lib o‘tadi.
Di Mariya o‘tgan mavsumda "Benfika"ga qaytgandi. Portugaliya klubida argentinalik futbolchi Yevropadagi faoliyatini 2008 yilda boshlagan.
Anxel joriy mavsum Portugaliya chempionatida 24 ta o‘yinda maydonga tushib, 8 ta gol urdi va 5 ta golli uzatmani amalga oshirdi.













