"Barselona" prezidenti Joan Laporta jamoaning Ispaniya chempionatidagi g‘alabasi haqida fikr bildirdi.
Kataloniya grandi mavsum yakunlanishiga ikki tur qolganida chempionlikni naqd qildi. Xans-Diter Flik jamoasi chempionlik poygasini yakunlash uchun "Espanyol" bilan derbida g‘alaba qozonishi kerak edi va bu vazifa hal qilindi - 2:0.
"Biz qiyinchiliklarga, barchasiga qaramay La Ligada g‘alaba qozondik. Ular bizni beqarorlashtirish uchun hamma narsani qilishdi, lekin uddalay olishmadi! Yoshlar va faxriylarni birlashtirgan bu jamoa kelajakda ko‘plab sovrinlarni qo‘lga kiritishi mumkin. Ajoyib futbolchilarimizga, murabbiy Flik va uning yordamchilariga, Deku va boshqa barcha xodimlarga rahmat aytishimiz kerak. Tarixiy mavsum," - deya Laportaning so‘zlarini keltiradi Barca Universal.
