"Барселона" президенти Жоан Лапорта жамоанинг Испания чемпионатидаги ғалабаси ҳақида фикр билдирди.
Каталония гранди мавсум якунланишига икки тур қолганида чемпионликни нақд қилди. Ханс-Дитер Флик жамоаси чемпионлик пойгасини якунлаш учун "Эспаньол" билан дербида ғалаба қозониши керак эди ва бу вазифа ҳал қилинди - 2:0.
"Биз қийинчиликларга, барчасига қарамай Ла Лигада ғалаба қозондик. Улар бизни беқарорлаштириш учун ҳамма нарсани қилишди, лекин уддалай олишмади! Ёшлар ва фахрийларни бирлаштирган бу жамоа келажакда кўплаб совринларни қўлга киритиши мумкин. Ажойиб футболчиларимизга, мураббий Флик ва унинг ёрдамчиларига, Деку ва бошқа барча ходимларга раҳмат айтишимиз керак. Тарихий мавсум," - дея Лапортанинг сўзларини келтиради Barca Universal.
