"Barselona" vingeri Lamin Yamal bosh murabbiy Xans-Diter Flik tomonidan amalga oshirilgan ishlar haqida fikr bildirdi.
Germaniyalik mutaxassis debyut mavsumida jamoani La Liga, Kubok va Ispaniya Superkubogida g‘alaba qozonishga olib keldi. O‘tgan mavsum yakunlangach, murabbiy Xavi Ernandes o‘rnini egallagandi.
"O‘ylashimcha, klub o‘zgarishlarga muhtoj edi, biroz "toza havo" kerak edi. Bu Xavi futbolchilar bilan yomon ishladi degani emas, ammo Flik keldi va haqiqatan ham "Barsa" uchun toza havoga aylandi," - deya 17 yoshli Yamalning intervyusidan iqtibos keltiradi ispan OAV.













