"Lill"ning kanadalik hujumchisi Jonatan Devid Italiya chempionatiga ko‘chib o‘tishi mumkin, deya xabar bermoqda Gazzetta dello Sport.

Manbaga ko‘ra, hujumchini Milanning "Inter" klubi o‘z safiga qo‘shib olmoqchi. "Neradzurrilar" rahbariyati 25 yoshli futbolchiga allaqachon taklif jo‘natgan. Kelishuv Jonatanning moliyaviy talablari tufayli amalga oshmasligi mumkin. Hujumchi yiliga besh million yevro maosh olmoqchi, "Inter" esa kamroq maosh taklif qilmoqda.

Joriy mavsumda Devid jami 48 ta o‘yinda ishtirok etib, o‘z hisobiga 25 ta gol va 12 ta golli uzatmani yozdirib qo‘ydi.