"Лилль"нинг канадалик ҳужумчиси Жонатан Дэвид Италия чемпионатига кўчиб ўтиши мумкин, дея хабар бермоқда Gazzetta dello Sport.
Манбага кўра, ҳужумчини Миланнинг "Интер" клуби ўз сафига қўшиб олмоқчи. "Нерадзуррилар" раҳбарияти 25 ёшли футболчига аллақачон таклиф жўнатган. Келишув Жонатаннинг молиявий талаблари туфайли амалга ошмаслиги мумкин. Ҳужумчи йилига беш миллион евро маош олмоқчи, "Интер" эса камроқ маош таклиф қилмоқда.
Жорий мавсумда Дэвид жами 48 та ўйинда иштирок этиб, ўз ҳисобига 25 та гол ва 12 та голли узатмани ёздириб қўйди.
