"Bavariya" va "Inter" klublarining sobiq himoyachisi Lusio baxtsiz hodisa oqibatida ko‘plab kuyish jarohatlarini oldi, deb yozadi Globo.
Manbaga ko‘ra, 15 may kuni 47 yoshli braziliyalikning uyida kamin portlagan. Sportchi Braziliya kasalxonasiga yotqizilgan, uning ahvoli barqaror deb baholanmoqda.
Lucio 2020 yilda faoliyatini yakunlagandi. Himoyachi Yevropada "Bayer," "Bavariya" va "Inter" klublarida o‘ynagan. "Bavariya" tarkibida u uch marta Bundesliga va Germaniya kubogini qo‘lga kiritdi. "Inter" bilan birgalikda Italiya chempioni bo‘ldi va Chempionlar ligasida g‘olib chiqdi.













