Karlo Anchelotti "Real" boshqaruvida yana 2 ta o‘yin o‘tkazadi. Shu bilan birga, bu o‘yinlar "qirollik klubi" uchun hech qanday ahamiyatga ega emas - La Ligada ular aniq ikkinchi o‘rinni egallashadi, Chempionlar Ligasidan esa chiqib ketishgan. Matbuot anjumanida Anchelottidan Madriddagi faoliyatining bunday yakuni unga g‘alati tuyulmayaptimi, deb so‘rashdi.
"Menga bu yer yoqadi. La Liga chempionligi uchun so‘nggi turgacha kurashib, boshqacha rohatlanishni istardim. Bizda bunday bo‘lmadi, lekin men baribir oxirgi kungacha "Real"da ishlashdan zavqlanaman. Bundan keyin meni navbatdagi sinov kutmoqda," - dedi Anchelotti jurnalistlarga.
18 may, yakshanba kuni "Real" safarda "Sevilya"ga qarshi bahs olib boradi.
