Карло Анчелотти "Реал" бошқарувида яна 2 та ўйин ўтказади. Шу билан бирга, бу ўйинлар "қироллик клуби" учун ҳеч қандай аҳамиятга эга эмас - Ла Лигада улар аниқ иккинчи ўринни эгаллашади, Чемпионлар Лигасидан эса чиқиб кетишган. Матбуот анжуманида Анчелоттидан Мадриддаги фаолиятининг бундай якуни унга ғалати туюлмаяптими, деб сўрашди.
"Менга бу ер ёқади. Ла Лига чемпионлиги учун сўнгги тургача курашиб, бошқача роҳатланишни истардим. Бизда бундай бўлмади, лекин мен барибир охирги кунгача "Реал"да ишлашдан завқланаман. Бундан кейин мени навбатдаги синов кутмоқда," - деди Анчелотти журналистларга.
18 май, якшанба куни "Реал" сафарда "Севилья"га қарши баҳс олиб боради.
