Moskvaning SSKA klubi "Monako" sharafini himoya qilayotgan o‘z tarbiyalanuvchisi Aleksandr Golovinni jamoaga qaytarmoqchi. Bu haqda "harbiylar" bosh direktori Roman Babayev ma’lum qildi.
"Men buni juda xohlardim. Yana bir narsa, mening ma’lumotlarimga ko‘ra, Sasha hozircha "Monako"ni tark etib, Rossiyaga qaytishga shoshilmayapti, - dedi Babayev.
Shu bilan birga, funksioner Golovinning Yevropadagi faoliyati yakunlangach, SSKA futbolchini sotib olish variantini ko‘rib chiqishga tayyorligini ta’kidladi.
Golovin "Monako" safida 2018 yildan buyon to‘p tepib kelmoqda. Bu mavsumda u barcha musobaqalarda 29 ta o‘yinda maydonga tushib, 3 ta gol urdi va 1 ta golli uzatmaga mualliflik qildi.
