"Liverpul" APLning 37-turida "Brayton"ga 2:3 hisobida imkoniyatni boy berdi. "Qizillar"ning ikkinchi golini yarim himoyachi Dominik Soboslai kiritdi. O‘yindan keyin bergan intervyusida undan shunday o‘ynashni rejalashtirganmi, deb so‘rashdi.

"Yo‘q, rostini aytsam, bu pas edi. Yolg‘on gapirmayman! Lekin gol urganimdan va jamoaga yordam berganimdan xursandman.

Albatta, o‘yindan juda xafa bo‘ldik deb ayta olmayman, lekin biz bu yerga yutqazish uchun kelmagandik. Biz g‘alaba qozonishni xohlagandik. O‘ylaymanki, biz dastlabki 70 daqiqada o‘zimizni ko‘rsatishni, uch ochkoni qo‘lga kiritishni va ularni uyga olib ketishni xohlaganimizni ko‘rsatdik. Lekin yakunda biz juda kuchli "Brayton" jamoasiga qarshi chiqdik. To‘g‘risini aytsam, ular g‘alaba qozonishga haqli edilar, chunki yakunda ular bizdan ko‘proq mehnat qilishdi, bizdan ko‘proq gol urishdi va ular ko‘proq narsani xohlayotgandek tuyuldi.

Biz bu yakshanba kuni bor narsamizni beramiz, chunki bu mavsumdagi so‘nggi uy o‘yinimiz bo‘ladi va o‘ylaymanki, muxlislar va hamma bizni o‘zimiz xohlagandek o‘ynashimizni ko‘rishga loyiq", - dedi Soboslai.

Eslatib o‘tamiz, joriy mavsum venger "Liverpul" safida barcha turnirlarda 48 ta o‘yinda maydonga tushib, 8 ta gol va 9 ta golli uzatmaga mualliflik qilgan.