"Barselona" "Liverpul" vingeri Luis Diasni birinchi raqamli nishonga aylantirdi.

Diario Sport xabariga ko‘ra, Kolumbiya terma jamoasining 28 yoshli hujumkor yarim himoyachisi kataloniyaliklar sport direktori Dekuning azaliy orzusi hisoblanadi.

Shuningdek, u "ko‘k-anorranglilar" rahbarlarining fikriga ko‘ra, jamoaga sifatli ko‘tarilish uchun kerak bo‘lgan o‘yinchi profiliga mos keladi. Bundan tashqari, Dias nomzodi "Barsa" bosh murabbiyi Xans-Diter Flik tomonidan ma’qullangan.

Klub zarurat tug‘ilganda "to‘qqizlik" rolini o‘ynashga qodir bo‘lgan chap qanot hujum o‘yinchisini sotib olish zarurligiga ishonchi komil. Barselonadagilar transfer uchun hech qanday moliyaviy to‘siq yo‘q deb hisoblamoqda.

Klub Jerar Martinning o‘sishi va Erik Garsiyaning ishonchli o‘yinidan so‘ng qanot himoyachisi bilan shartnoma imzolashni to‘xtatdi. Hozirda "blaugrana" chap qanot vingeriga e’tibor qaratmoqda.

Diasning transfer summasi 85 million yevro atrofida bo‘lishi kutilmoqda.

Luis "qizillar"ning chempionlik mavsumida APLning 35 o‘yinida 13 gol urdi va 5 golga uzatma berdi.