Madridning "Real" klubi skautlari Frankfurtning "Ayntraxt" klubi xavbeki Xugo Larssonning o‘yinlarini kuzatishda davom etmoqda. Bu haqda Ispaniyaning Marca nashri xabar bermoqda.

Manbaga ko‘ra, "qaymoqranglilar" vakillari Bundesliganing so‘nggi bir nechta o‘yinlariga tashrif buyurishgan. 20 yoshli shvedning ehtimoliy transferi haqida qishki transferlar vaqtida ham gapirilgandi. "Ayntraxt" futbolchi uchun 50 million yevro olish niyatida.

Larsson joriy mavsum barcha musobaqalarda 47 ta o‘yinda maydonga tushdi va 6 ta gol hamda 2 ta golli uzatmaga mualliflik qildi. Uning klubi chempionatdagi ishtirokini uchinchi o‘rinda yakunladi.