Bu hafta Chempionlar ligasining barcha o‘yinlaridan oldin Nepaldagi vayronkor suv toshqini qurbonlari xotirasiga bir daqiqalik sukut e’lon qilinadi. Bu haqda Yevropa futbol assosiasiyalari ittifoqi (UEFA) matbuot xizmati xabar berdi.

Nepaldagi kuchli ko‘chki va suv toshqini oqibatida halok bo‘lganlar soni 1,3 ming kishidan oshdi.

«Butun Yevropa futbol oilasi bu haftagi o‘yinlar oldidan birlashib, Nepal xalqiga chuqur hamdardligimizni va qo‘llab-quvvatlovimizni bildirmoqda. Ushbu fojia va uning oqibatlaridan tiklanishda davom etayotgan Nepal xalqiga kuch va matonat tilaymiz», — dedi UEFA prezidenti Aleksander Cheferin.

Shuningdek, har bir uchrashuv oldidan maydonda «Nepal, sen yolg‘iz emassan» degan yozuv tushirilgan banner yoyiladi.