Мадриднинг "Реал" клуби скаутлари Франкфуртнинг "Айнтрахт" клуби хавбеки Хуго Ларссоннинг ўйинларини кузатишда давом этмоқда. Бу ҳақда Испаниянинг Marca нашри хабар бермоқда.
Манбага кўра, "қаймоқранглилар" вакиллари Бундеслиганинг сўнгги бир нечта ўйинларига ташриф буюришган. 20 ёшли шведнинг эҳтимолий трансфери ҳақида қишки трансферлар вақтида ҳам гапирилганди. "Айнтрахт" футболчи учун 50 миллион евро олиш ниятида.
Ларссон жорий мавсум барча мусобақаларда 47 та ўйинда майдонга тушди ва 6 та гол ҳамда 2 та голли узатмага муаллифлик қилди. Унинг клуби чемпионатдаги иштирокини учинчи ўринда якунлади.
