"Manchester Yunayted" yarim himoyachisi Meyson Maunt 21 may kuni soat 23:59da start oladigan "Tottenxem"ga qarshi Yevropa Ligasi finalidan kutayotgan natijalari haqida fikr bildirdi.
"O‘yinlarda, ayniqsa Premyer-ligada, hamma narsa mayda tafsilotlarga bog‘liq. Agar siz ularga e’tibor bermasangiz, jazolanishingiz mumkin va bu ba’zan halokatli oqibatlarga olib kelishi mumkin.
Biz bu xatolarni tuzatishga yaqinmiz va g‘oliblikni qo‘lga kiritganimizda, ishonchimiz yanada ortadi. Biz qanday ahvolda ekanligimizni yaxshi bilamiz. Chempionatdagi holatimizni unutganimiz yo‘q, ammo agar g‘alaba qozona olsak, bu og‘ir mavsumning ijobiy yakuni bo‘lishi mumkin," deya ta’kidladi Maunt BBC bilan suhbatda.
