"Манчестер Юнайтед" ярим ҳимоячиси Мэйсон Маунт 21 май куни соат 23:59да старт оладиган "Тоттенхэм"га қарши Европа Лигаси финалидан кутаётган натижалари ҳақида фикр билдирди.
"Ўйинларда, айниқса Премьер-лигада, ҳамма нарса майда тафсилотларга боғлиқ. Агар сиз уларга эътибор бермасангиз, жазоланишингиз мумкин ва бу баъзан ҳалокатли оқибатларга олиб келиши мумкин.
Биз бу хатоларни тузатишга яқинмиз ва ғолибликни қўлга киритганимизда, ишончимиз янада ортади. Биз қандай аҳволда эканлигимизни яхши биламиз. Чемпионатдаги ҳолатимизни унутганимиз йўқ, аммо агар ғалаба қозона олсак, бу оғир мавсумнинг ижобий якуни бўлиши мумкин," дея таъкидлади Маунт BBC билан суҳбатда.
