Viktor Osimxen yozda "Yuventus"ga o‘tish imkoniyatini rad etdi, deb xabar beradi Il Mattino. 26 yoshli futbolchi hujumni kuchaytirish uchun "Yuventus"ning asosiy maqsadi bo‘lgan, ammo so‘nggi ma’lumotlarga ko‘ra, hujumchi nihoyat Turinga o‘tishni rad etgan.

Bu esa Osimxenni bir necha oydan beri kuzatib kelayotgan “Arsenal” va “Manchester Yunayted” uchun eshikni ochadi.

Xabarlarga ko‘ra, "PSJ" nigeriyalik futbolchini yanvar oyida "Napoli"ning sobiq jamoadoshi Xvicha Kvarasxeliya bilan shartnoma imzolaganidan keyin ham kuzatib bormoqda.

Osimxenning "Napoli" shartnomasida tovon puli 75 million yevro bo‘lgan, ammo bu A Seriya klublariga taalluqli emas. Futbolchiga Saudiya Arabistoni klublari ham qiziqish bildirmoqda, forvardning ijaraga olgan hozirgi jamoasi "Galatasaroy" esa u bilan doimiy ravishda shartnoma imzolash haqida o‘ylamoqda.

Osimxen joriy mavsumda “Galatasaroy” safida barcha musobaqalarda 40 ta o‘yinda maydonga tushib, 36 ta gol va 8 ta golli uzatmaga mualliflik qilgan.