Виктор Осимхен ёзда "Ювентус"га ўтиш имкониятини рад этди, деб хабар беради Il Mattino. 26 ёшли футболчи ҳужумни кучайтириш учун "Ювентус"нинг асосий мақсади бўлган, аммо сўнгги маълумотларга кўра, ҳужумчи ниҳоят Туринга ўтишни рад этган.
Бу эса Осимхенни бир неча ойдан бери кузатиб келаётган “Арсенал” ва “Манчестер Юнайтед” учун эшикни очади.
Хабарларга кўра, "ПСЖ" нигериялик футболчини январ ойида "Наполи"нинг собиқ жамоадоши Хвича Кварацхелия билан шартнома имзолаганидан кейин ҳам кузатиб бормоқда.
Осимхеннинг "Наполи" шартномасида товон пули 75 миллион евро бўлган, аммо бу А Серия клубларига тааллуқли эмас. Футболчига Саудия Арабистони клублари ҳам қизиқиш билдирмоқда, форварднинг ижарага олган ҳозирги жамоаси "Галатасарой" эса у билан доимий равишда шартнома имзолаш ҳақида ўйламоқда.
Осимхен жорий мавсумда “Галатасарой” сафида барча мусобақаларда 40 та ўйинда майдонга тушиб, 36 та гол ва 8 та голли узатмага муаллифлик қилган.
