28 yoshli Bril Emboloning "Monako"dagi kelajagi mavhum bo‘lib qolmoqda. Shveysariyalik hujumchi knyazlik klubida baxtli ekani aniq, ammo uning monegasklar bilan shartnomasi kelasi mavsum oxirida tugaydi.

Joriy mavsum boshida Embolo "Monako" bilan shartnomani uzaytirish istagini bildirgan va o‘shandan beri u jamoaning yangi hujumchisi Mika Biyeret bilan maydonda ham, undan tashqarida ham ajoyib hamkorlikni yo‘lga qo‘yishga muvaffaq bo‘ldi. Shu bilan birga, Monaco-Matin xabariga ko‘ra, "Monako" kelasi mavsum oxirida yakunlanadigan shveysariyalik futbolchi bilan shartnomani uzaytirishni rejalashtirmayapti.

Biroq, bu Embolo shu yozdayoq klubni tark etishini anglatmaydi - u jamoada baxtli, shuning uchun yana bir yil qolishi mumkin.

Eslatib o‘tamiz, Embolo joriy mavsum "Monako" safida barcha musobaqalarda 42 ta o‘yinda 7 ta gol va 9 ta golli uzatmani amalga oshirgan. Nufuzli "Transfermarkt" portali uning narxini 12 million yevroga baholamoqda.