28 ёшли Брил Эмболонинг "Монако"даги келажаги мавҳум бўлиб қолмоқда. Швейцариялик ҳужумчи князлик клубида бахтли экани аниқ, аммо унинг монегасклар билан шартномаси келаси мавсум охирида тугайди.
Жорий мавсум бошида Эмболо "Монако" билан шартномани узайтириш истагини билдирган ва ўшандан бери у жамоанинг янги ҳужумчиси Мика Биерет билан майдонда ҳам, ундан ташқарида ҳам ажойиб ҳамкорликни йўлга қўйишга муваффақ бўлди. Шу билан бирга, Monaco-Matin хабарига кўра, "Монако" келаси мавсум охирида якунланадиган швейцариялик футболчи билан шартномани узайтиришни режалаштирмаяпти.
Бироқ, бу Эмболо шу ёздаёқ клубни тарк этишини англатмайди - у жамоада бахтли, шунинг учун яна бир йил қолиши мумкин.
Эслатиб ўтамиз, Эмболо жорий мавсум "Монако" сафида барча мусобақаларда 42 та ўйинда 7 та гол ва 9 та голли узатмани амалга оширган. Нуфузли "Transfermarkt" портали унинг нархини 12 миллион еврога баҳоламоқда.
