"Tottenxem" bosh murabbiyi Ange Postekoglu Yevropa Ligasidagi g‘alabasiga qaramay, klubni tark etishi mumkin.
Chorshanba kuni "shporlar" "Manchester Yunayted"ni mag‘lub etib (1:0), ikkinchi darajali yevrokubok g‘olibiga aylandi. Shu bilan birga, Premyer-ligada jamoa juda muvaffaqiyatsiz o‘ynadi - finishga bir tur qolganida turnir jadvalida 17-o‘rinni egallab turibdi. Jurnalist Sami Mokbel xabariga ko‘ra, "Tottenxem" mavsum yakunida Postekoglu bilan xayrlashgan taqdirda uning o‘rnini egallashi mumkin bo‘lgan nomzodlarni o‘rganishda davom etmoqda. Yakuniy qaror hali qabul qilinmagan. Klub yangi mavsum uchun murabbiyni tasdiqlashdan oldin vaziyatni yaxshilab tahlil qiladi.
Ange Postekoglu 2023 yilning yozidan beri o‘z lavozimida ishlab kelmoqda. Mutaxassisning shartnomasi 2027 yilning o‘rtalariga qadar mo‘ljallangan.
