"Тоттенхэм" бош мураббийи Анге Постекоглу Европа Лигасидаги ғалабасига қарамай, клубни тарк этиши мумкин.
Чоршанба куни "шпорлар" "Манчестер Юнайтед"ни мағлуб этиб (1:0), иккинчи даражали еврокубок ғолибига айланди. Шу билан бирга, Премьер-лигада жамоа жуда муваффақиятсиз ўйнади - финишга бир тур қолганида турнир жадвалида 17-ўринни эгаллаб турибди. Журналист Сами Мокбел хабарига кўра, "Тоттенхэм" мавсум якунида Постекоглу билан хайрлашган тақдирда унинг ўрнини эгаллаши мумкин бўлган номзодларни ўрганишда давом этмоқда. Якуний қарор ҳали қабул қилинмаган. Клуб янги мавсум учун мураббийни тасдиқлашдан олдин вазиятни яхшилаб таҳлил қилади.
Анге Постекоглу 2023 йилнинг ёзидан бери ўз лавозимида ишлаб келмоқда. Мутахассиснинг шартномаси 2027 йилнинг ўрталарига қадар мўлжалланган.
