"Komo" bosh murabbiyi Sesk Fabregas yarim himoyachi Nikolas Pasning Madridning "Real" klubiga o‘tishi haqida fikr bildirdi.
Argentinalik futbolchi o‘tgan yozda A Seriya klubi safini to‘ldirgandi va bir yildan so‘ng Madridga qaytishi mumkin. La Liga grandi Italiyada o‘zini ko‘rsatishga muvaffaq bo‘lgan o‘z tarbiyalanuvchisini qayta sotib olish punktini faollashtirish haqida jiddiy o‘ylamoqda.
"Pasning qayerda bo‘lishini bilmayman. Kelasi yil jahon chempionati, unga doimiy o‘yin amaliyoti kerak. U "Real"ga qaytishga tayyormi? Aytolmayman, ammo klub bilan yaxshi munosabatdamiz," - deya Fabregasning so‘zlarini keltiradi ispan OAV.













