"Комо" бош мураббийи Сеск Фабрегас ярим ҳимоячи Николас Паснинг Мадриднинг "Реал" клубига ўтиши ҳақида фикр билдирди.
Аргентиналик футболчи ўтган ёзда А Серия клуби сафини тўлдирганди ва бир йилдан сўнг Мадридга қайтиши мумкин. Ла Лига гранди Италияда ўзини кўрсатишга муваффақ бўлган ўз тарбияланувчисини қайта сотиб олиш пунктини фаоллаштириш ҳақида жиддий ўйламоқда.
"Паснинг қаерда бўлишини билмайман. Келаси йил жаҳон чемпионати, унга доимий ўйин амалиёти керак. У "Реал"га қайтишга тайёрми? Айтолмайман, аммо клуб билан яхши муносабатдамиз," - дея Фабрегаснинг сўзларини келтиради испан ОАВ.
