"Bayer" hujumkor yarim himoyachisi Florian Virs faoliyatini "Liverpul"da davom ettirishi mumkin. Bu haqda jurnalist Ekrem Konur xabar bermoqda.

Manbaga ko‘ra, "Liverpul" rahbariyati navbatdan tashqari yig‘ilishdan so‘ng 22 yoshli Virs transferi bo‘yicha yakuniy qarorga kelgan. Ta’kidlanishicha, "Liverpul" nafaqat shaxsiy transfer rekordini, balki Angliya Premyer-ligasi rekordini ham yangilashga tayyor. Kelishuv summasi 150 million yevroni tashkil etishi kutilmoqda.

Joriy mavsumda Virs barcha musobaqalarda 45ta o‘yinda maydonga tushib, 16 marta raqiblar darvozasini ishg‘ol qildi va 15 ta assistni o‘z hisobiga yozdirib qo‘ydi.