"Байер" ҳужумкор ярим ҳимоячиси Флориан Вирц фаолиятини "Ливерпуль"да давом эттириши мумкин. Бу ҳақда журналист Экрем Конур хабар бермоқда.
Манбага кўра, "Ливерпуль" раҳбарияти навбатдан ташқари йиғилишдан сўнг 22 ёшли Вирц трансфери бўйича якуний қарорга келган. Таъкидланишича, "Ливерпуль" нафақат шахсий трансфер рекордини, балки Англия Премьер-лигаси рекордини ҳам янгилашга тайёр. Келишув суммаси 150 миллион еврони ташкил этиши кутилмоқда.
Жорий мавсумда Вирц барча мусобақаларда 45та ўйинда майдонга тушиб, 16 марта рақиблар дарвозасини ишғол қилди ва 15 та ассистни ўз ҳисобига ёздириб қўйди.
