"Lester"ning angliyalik forvardi Jeymi Vardi Ispaniya chempionatiga ko‘chib o‘tishi mumkin, deb xabar bermoqda The Sun jurnalistlari.

Manbaga ma’lum bo‘lishicha, hujumchining xizmatlariga "Valensiya" qiziqish bildirmoqda. "Ko‘rshapalaklar" ustozi Karlos Korberanning shaxsan o‘zi Vardini o‘z safiga qo‘shib olishni talab qilmoqda. Murabbiyning fikricha, inglizning tajribasi va mahorati kelasi mavsumda jamoaga yordam berishi kerak.

Jeymi kelasi yozda "Lester"ni erkin agent sifatida tark etadi. Hujumchi joriy mavsum 36 ta o‘yinda ishtirok etib, 10 ta gol va 4 ta golli uzatmani o‘z hisobiga yozdirib qo‘ydi.