"Лестер"нинг англиялик форварди Жейми Варди Испания чемпионатига кўчиб ўтиши мумкин, деб хабар бермоқда The Sun журналистлари.
Манбага маълум бўлишича, ҳужумчининг хизматларига "Валенсия" қизиқиш билдирмоқда. "Кўршапалаклар" устози Карлос Корбераннинг шахсан ўзи Вардини ўз сафига қўшиб олишни талаб қилмоқда. Мураббийнинг фикрича, инглизнинг тажрибаси ва маҳорати келаси мавсумда жамоага ёрдам бериши керак.
Жейми келаси ёзда "Лестер"ни эркин агент сифатида тарк этади. Ҳужумчи жорий мавсум 36 та ўйинда иштирок этиб, 10 та гол ва 4 та голли узатмани ўз ҳисобига ёздириб қўйди.
