"Manchester Siti" ustozi Xosep Gvardiola klublar o‘rtasidagi jahon chempionati haqida gapirdi. Nufuzli turnir AQSHda bo‘lib o‘tadi.

"Ushbu musobaqada o‘ynash biz uchun katta sharaf. Boshlanishini sabrsizlik bilan kutamiz. Klublar o‘rtasidagi jahon chempionatida g‘olib bo‘lish biz uchun a’lo natija bo‘lardi, ammo bu sovringa da’vogar yana 31 ta klub bor. Ko‘ramiz, AQSHda nimalarga erisha olamiz," - deya ispaniyalik murabbiyning so‘zlarini keltiradi Marca gazetasi.

Avvalroq klublar o‘rtasidagi jahon chempionati 15 iyundan 13 iyulga qadar o‘tkazilishi ma’lum qilingandi.