"Kalyari"da ijara asosida o‘ynayotgan "Atalanta" markaziy hujumchisi Roberto Pikkoli boshqa jamoaga o‘tishi mumkin.
Jurnalist Ekrem Konurning yozishicha, “Napoli” va “Milan” kelasi mavsumni zaxira o‘rindig‘ida o‘tkazish niyatida bo‘lmagan 24 yoshli italiyalikning holatini diqqat bilan kuzatib bormoqda.
Ta’kidlanishicha, Pikkoli muntazam o‘ynashni xohlaydi, biroq u faoliyatini qayerda davom ettirishini hozircha bilmaydi. Manbaga ko‘ra, "Kalyari" ijara muddati tugaganidan keyin forvardni 12 million yevroga sotib olishi mumkin.
"Kalyari" tarkibida Pikkoli barcha musobaqalarda 39 ta o‘yin o‘tkazib, 11 ta gol urdi va 4 ta golli uzatmani amalga oshirdi.
