"Каляри"да ижара асосида ўйнаётган "Аталанта" марказий ҳужумчиси Роберто Пикколи бошқа жамоага ўтиши мумкин.
Журналист Экрем Конурнинг ёзишича, “Наполи” ва “Милан” келаси мавсумни захира ўриндиғида ўтказиш ниятида бўлмаган 24 ёшли италияликнинг ҳолатини диққат билан кузатиб бормоқда.
Таъкидланишича, Пикколи мунтазам ўйнашни хоҳлайди, бироқ у фаолиятини қаерда давом эттиришини ҳозирча билмайди. Манбага кўра, "Кальяри" ижара муддати тугаганидан кейин форвардни 12 миллион еврога сотиб олиши мумкин.
"Каляри" таркибида Пикколи барча мусобақаларда 39 та ўйин ўтказиб, 11 та гол урди ва 4 та голли узатмани амалга оширди.
