"Real" jamoasining braziliyalik vingeri Vinisius Junior Karlo Anchelottiga ochiq xat yozdi. Avvalroq joriy mavsum tugagach, italiyalik murabbiy klubni tark etishini e’lon qilgandi.

"Rahmat, murabbiy. Hamma narsa uchun. Siz eng zo‘risiz. Madridga kelganingizdan beri siz mening hayotimni o‘zgartirdingiz — futbolchi sifatida ham, inson sifatida ham. Siz menga ishonch bag‘ishladingiz, rivojlanishimga yordam berdingiz va doimo men bilan birga bo‘ldingiz — maydonda ham, undan tashqarida ham.

Biz ikki bor Chempionlar ligasini, ikki bor La Ligani va yana ko‘plab boshqa mukofotlarni qo‘lga kiritdik… Lekin eng ko‘p qadrlaydiganim — bu menga bo‘lgan munosabatingiz, kamtarligingiz va shu yillar davomida menga qanday munosabatda bo‘lganingiz. Siz doimo meni himoya qildingiz va menga eng zarur paytlarda tayanch bo‘ldingiz.

Bugun "xayr" deyish juda qiyin. "Real"ning kiyinish xonasi sizga muhtoj bo‘ladi. Men ham muhtoj bo‘laman. Lekin shu bilan birga, meni xursand qiladigan narsa — bu siz bilan qayta ko‘rishadigan kun aniq ekani. Bu safar — Braziliya terma jamoasi libosida birga bo‘lamiz. Bu taqdir. Men sizni Braziliyada kutaman.

Muxabbat bilan, Vini-junior", — deb yozdi braziliyalik futbolchi o‘z ijtimoiy tarmoqlarida.