Italiyalik darvozabon Renato Marin "Roma"dan "PSJ"ga o‘tadi. Bu haqda L'Equipe nashri xabar bermoqda.
Manbaga ko‘ra, 18 yoshli futbolchi allaqachon fransuz grandi bilan 5 yillik mehnat shartnomasini imzolagan, ammo jamoa tarkibini faqat 1 iyul kuni to‘ldiradi. Ta’kidlanishicha, Marin "PSJ" bilan uchinchi darvozabon sifatida shartnoma imzolagan, chunki Arnau Tenas katta ehtimol bilan klubni tark etadi.
Aytish kerakki, hozircha Marin kattalar darajasida birorta ham o‘yin o‘tkazgani yo‘q. Shu bilan birga, darvozabon 19 yoshgacha bo‘lgan Italiya terma jamoasi safida 13 ta o‘yin o‘tkazib, 5 marta o‘z darvozasini daxlsiz qoldirishga muvaffaq bo‘ldi.
Transfermarkt portali ma’lumotlariga ko‘ra, Marinning narxi 500 ming yevroni tashkil etadi.
