Италиялик дарвозабон Ренато Марин "Рома"дан "ПСЖ"га ўтади. Бу ҳақда L'Equipe нашри хабар бермоқда.
Манбага кўра, 18 ёшли футболчи аллақачон француз гранди билан 5 йиллик меҳнат шартномасини имзолаган, аммо жамоа таркибини фақат 1 июль куни тўлдиради. Таъкидланишича, Марин "ПСЖ" билан учинчи дарвозабон сифатида шартнома имзолаган, чунки Арнау Тенас катта эҳтимол билан клубни тарк этади.
Айтиш керакки, ҳозирча Марин катталар даражасида бирорта ҳам ўйин ўтказгани йўқ. Шу билан бирга, дарвозабон 19 ёшгача бўлган Италия терма жамоаси сафида 13 та ўйин ўтказиб, 5 марта ўз дарвозасини дахлсиз қолдиришга муваффақ бўлди.
Transfermarkt портали маълумотларига кўра, Мариннинг нархи 500 минг еврони ташкил этади.
