"Brayton" qanot vingeri Kaoru Mitoma yozda Londonning "Arsenal" klubi sotib olishi mumkin bo‘lgan futbolchilar ro‘yxatiga kiritildi. Bu haqda jurnalist Florian Plettenberg xabar bermoqda.

Manbaga ko‘ra, "Arsenal" Rodrigoni "Real"dan sotib olishga qaror qilgan, biroq futbolchining yuqori moliyaviy talablari tufayli kelishuv to‘xtab qolgan. Shundan so‘ng, "kanonirlar" Myunxenning "Bavariya" klubi ham da’vogarlik qilayotgan Mitoma nomzodini ko‘rib chiqishga o‘tdi.

Asosan chap qanotda o‘ynaydigan 28 yoshli yaponiyalik Mitoma bu mavsumda barcha musobaqalarda 40 ta o‘yin o‘tkazib, 11 ta gol urdi va 3 ta golga assistentlik qildi.