"Брайтон" қанот вингери Каору Митома ёзда Лондоннинг "Арсенал" клуби сотиб олиши мумкин бўлган футболчилар рўйхатига киритилди. Бу ҳақда журналист Флориан Плеттенберг хабар бермоқда.
Манбага кўра, "Арсенал" Родригони "Реал"дан сотиб олишга қарор қилган, бироқ футболчининг юқори молиявий талаблари туфайли келишув тўхтаб қолган. Шундан сўнг, "канонирлар" Мюнхеннинг "Бавария" клуби ҳам даъвогарлик қилаётган Митома номзодини кўриб чиқишга ўтди.
Асосан чап қанотда ўйнайдиган 28 ёшли япониялик Митома бу мавсумда барча мусобақаларда 40 та ўйин ўтказиб, 11 та гол урди ва 3 та голга ассистентлик қилди.
