"Yuventus" bosh murabbiyi Igor Tudor klubdagi kelajagi haqidagi savolga javob berdi. Turinliklar so‘nggi tur o‘yinida “Venesiya”ni mag‘lub etishdi (3:2) va A Seriyada to‘rtinchi o‘rinni egalladi.
Xorvatiyalik murabbiy o‘z vazifasini bajardi, u jamoani Chempionlar ligasiga olib chiqdi. Biroq mutaxassisning kelajagi noaniqligicha qolmoqda.
"Mening kelajagim klublar o‘rtasidagi jahon chempionatidan keyin emas, balki undan oldin aniqlanadi. Buni tez orada bilib olasiz", - dedi jamoa murabbiyi.
Eslatib o‘tamiz, Igor Tudor bu lavozimni mart oyida ishdan bo‘shatilgan Tiago Motta o‘rniga egallagan edi.
